Skip to main content

Fjordheimen skodespel Geiranger

Fjordheimen – leik, fantasi og moro for barn
Bli kjent med verdsarven gjennom leik, utforsking og dramatisering

Likar du å vere i aktivitet og utforske ting? På besøkssenter verdsarv finst eit eige utstillingsrom for barn. Her kan du krype inn i Moder Mantel sin  mage, leggje puslespel om stein, eller finne ut kvar havørna likar seg best. -Eller kanskje vil du kose deg, klatre og skli med vind i håret på det fine leikeområdet vårt ved senteret?

Likar du å oppleve dramatisering og skodespel?

På utvalde dagar kan du få med deg førestillinga om Gaute Gneis og geitekjeet Lykle og fleire av vennene deira frå Fjordheimen. Dei fortel si historie om korleis det gjekk til då fjordlandskapet vart til, og viss Peggy Plast og Dustin Dust dukkar opp, må du ikkje la deg lure!

Dramatisering med Gaute Gneis & co:
Når: Alle torsdagar i juli kl. 15.00.
Stad: Uteområdet ved Norsk Fjordsenter. Inne i kinosalen ved dårleg vêr.
Pris: Kr. 50,- for barn t.om. 12 år. Vaksne gratis.
Inkluderer: Skodespel Boka «Gaute Gneis får eit oppdrag», utdeling etter spelet.
Varigheit: 30 minutt.
Bestilling: Inga bestilling. Berre å møte opp.
Informasjon: +47 70 26 38 10 / www.fjordsenter.com

Last ner pdf

Søk reise